Fyrirtækið

Nortek ehf var stofnað á Akureyri árið 1996 og rekið þaðan fyrstu tvö starfsárin. Árið 1998 var starfsemin aukin og skrifstofa opnuð í Reykjavík.
Nortek hefur allt frá byrjun verið leiðandi fyrirtæki á sviði öryggismála. Hjá fyrirtækinu starfa vel menntaðir og þjálfaðir starfsmenn sem kappkosta að veita góða og skjóta þjónustu. Frá því síðla árs 2008 hefur verkefnum fjölgað mikið erlendis og þá sérstaklega í Noregi, sem leitt hefur til þess að nú hefur Nortek eigin skrifstofu í Drammen. Frá því að Nortek hóf þjónustu erlendis hefur fyrirtækið tekið að sér verkefni í 10 löndum um allan heim. Nortek hefur lagt sig fram um að selja einungis vandaðar vörur frá viðurkenndum aðilum.

Nortek hefur sérhæft sig í alhliða lausnum á öryggiskerfum. Má þar nefna aðgangsstýri-, brunaviðvörunar-, innbrotaviðvörunar-, eftirlitsmyndavéla- og slökkvikerfi.

Nortek býður upp á ráðgjöf, hönnun, sölu, uppsetningu og þjónustu á öryggiskerfum.